ആദ്യകാഴ്ചയില്‍ തന്നെ പുരുഷന്മാര്‍ സ്ത്രീകളില്‍ ശ്രദ്ധിക്കുന്ന 7 കാര്യങ്ങള്‍ ഏതൊക്കെ എന്നറിയാമോ??????????????????????

ഒരാളെ കാണുമ്പോള്‍ത്തന്നെ നമുക്ക് അയാളോട് ഒരു ഇഷ്ടമോ ഇഷ്ടക്കുറവോ ഒക്കെ തോന്നാറുണ്ട്. അത് അയാളെ മുന്‍പരിചയം ഉള്ളതുകൊണ്ട് ആവണമെന്നില്ല. അയാളുടെ സംസാരവും പെരുമാറ്റവും ശരീരഭാഷയും ഒക്കെക്കൊണ്ടാണ്. 'First impression is the best impression' എന്നാണല്ലോ പറയുന്നത്. പലപ്പോഴും യാത്രയ്ക്കിടയിലും ആള്‍ക്കൂട്ടത്തിലും അങ്ങനെ എവിടെ ആയാലും സ്ത്രീകളുടെ കണ്ണുകള്‍ എത്തിപ്പെടുന്നത് പുരുഷന്മാരിലേക്കും പുരുഷന്മാരുടെ കണ്ണുകള്‍ എത്തിപ്പെടുന്നത്ആ സ്ത്രീകളിലേക്കും ആയിരിക്കും എന്നതിലൊരു സംശയവുമില്ല. ഇക്കാര്യത്തില്‍ മറ്റൊരാളെ സസൂക്ഷ്മം നിരീക്ഷിക്കാനുള്ള കഴിവ് കൂടുതല്‍ സ്ത്രീകള്‍ക്ക് തന്നെയാണെന്ന് പറയേണ്ടി വരും. എന്നാല്‍ പുരുഷന്മാരും തീരെ പുറകോട്ടല്ല. ഒരു സ്ത്രീയെ കാണുമ്പോള്‍ അവരുടെ എല്ലാ രീതികളും പുരുഷന്മാരും ശ്രദ്ധിക്കുന്നു. സ്ത്രീയും പുരുഷനും ഏറെ ശ്രദ്ധയോടെ വീക്ഷിക്കുന്ന ഘടകങ്ങളില്‍ ചിലപ്പോള്‍ വ്യത്യാസം ഉണ്ടാകാം. സ്ത്രീകളില്‍ പുരുഷന്മാര്‍ പ്രത്യേകം ശ്രദ്ധിക്കുന്ന കാര്യങ്ങള്‍ എന്താണെന്ന് നമുക്ക് നോക്കാം.

1. ചിരി: ഒരാളെ കാണുമ്പോള്‍ ആദ്യം നമ്മള്‍ ഒരു ചിരി കൈമാറുന്നു. അവിടെ ഊഷ്മളമായൊരു ബന്ധത്തിന്റെ തുടര്‍ച്ച സാധ്യമാവുകയാണ്. അതുകൊണ്ടു ത്തന്നെ ഒരാളുടെമുഖത്തു വിരിയുന്ന ചിരിയാണ് അയാളില്‍ ആദ്യം ശ്രദ്ധിക്കപ്പെടുന്നത്. എന്നാല്‍ ചിരി പലവിധമുണ്ട്. ഒരു വാക്കിനേക്കാള്‍കൂടുതല്‍ കാര്യങ്ങള്‍ ഒരു ചിരി പറയും. നല്ലൊരു ചിരി നിങ്ങളോടു സംസാരിക്കാന്‍ എനിക്ക് വിഷമമൊന്നുമില്ല എന്നതിന്റെ സൂചനയാണ് നല്‍കുന്നത്. സംഭാഷണം ആസ്വദിക്കുന്നതിന്റെ ഭാഗമായി അടക്കിപ്പിടിച്ചുള്ള ചിരിയും ഉണ്ടാകാറുണ്ട്. എന്നാല്‍ മനസ്സ് വെളിപ്പെടുത്താതെ അകലം പാലിക്കാനും ഒരു ചിരികൊണ്ടാകും.

2. കണ്ണുകള്‍: ഒരാളുടെ മനസ്സിലേക്കുള്ള വാതിലുകളാണ് കണ്ണുകള്‍.കണ്ണുകളില്‍ തെളിയുന്ന ഭാവങ്ങള്‍ അയാളെക്കുറിച്ച് വെളിപ്പെടുത്തുന്നു. ആദ്യമായി കാണുമ്പോഴുള്ള ഒരു പെണ്‍കുട്ടിയുടെ നോട്ടവും ആ കണ്ണുകളും പുരുഷന് മറക്കാനാകില്ല. പറയാതെ പറയുന്ന ഒരുപാട് കാര്യങ്ങള്‍ അവന്‍ ആ കണ്ണുകളില്‍ നിന്നും വായിച്ചെടുക്കുന്നു.

3. വേഷവും ശൈലിയും: ഒരു സ്ത്രീയുടെ വേഷവിധാനങ്ങള്‍ എപ്പോഴും പുരുഷന്മാര്‍ ശ്രദ്ധിക്കും. അവരെക്കുറിച്ചുള്ള ഒരു പൊതു ധാരണ പുരുഷന്മാരില്‍ ഉടലെടുക്കുന്നത് പലപ്പോഴും ഈ വേഷത്തില്‍ നിന്നായിരിക്കും. എത്ര വിലകൂടിയ വസ്ത്രങ്ങളും ആഭരണങ്ങളുമാണ് അവര്‍ ധരിച്ചിരിക്കുന്നത് എന്നതിനേക്കാള്‍ കൂടുതലായി, അവര്‍ അത് എങ്ങനെ ധരിച്ചിരിക്കുന്നു എന്നാണു പുരുഷന്മാര്‍ ശ്രദ്ധിക്കുന്നത്. സ്ത്രീകളുടെ വ്യക്തിത്വത്തെക്കുറിച്ച് മനസ്സിലാക്കാനുള്ള ഒരു അളവുകോലാണ് പുരുഷന്മാര്‍ക്ക് പലപ്പോഴും സ്ത്രീകളുടെ ആടയാഭരണങ്ങള്‍.

4. ശാരീരിക ഘടകങ്ങള്‍: സ്ത്രീകളുടെ വസ്ത്ര രീതിയിലും സംസാരത്തിലുമൊക്കെ പുരുഷന്മാര്‍ ശ്രദ്ധിക്കാറുണ്ടെങ്കിലും അതിനൊപ്പം അല്ലെങ്കില്‍ അതിനേക്കാള്‍ കൂടുതലായി അവരുടെ ശ്രദ്ധ പോകുന്നത് സ്ത്രീകളുടെ ശാരീരിക ഘടനയിലേക്കായിരിക്കും. ഇക്കാര്യം വളരെ സൂക്ഷ്മതയോടെ നിരീക്ഷിക്കാന്‍ പ്രത്യേക വൈദഗ്ദ്ധ്യം നേടിയവരാണോ അവരെന്നെ സംശയംപോലും ജനിപ്പിക്കുന്ന വിധമാണ് ചില പുരുഷന്മാരുടെ ഇത്തരം കാര്യങ്ങളിലുള്ള ശ്രദ്ധ.

5. സുഹൃത്തുക്കള്‍: ഒരു സ്ത്രീയെ ശ്രദ്ധിക്കുമ്പോള്‍ അവളുടെ സുഹൃത്തുക്കള്‍ ആരാണെന്നുകൂടി ശ്രദ്ധിക്കുന്നതാണ് പുരുഷന്മാരുടെ പൊതുവേയുള്ള രീതി. ഒരാളെ വിലയിരുത്തുന്നതിന് അയാളുടെ സുഹൃത്തുക്കള്‍ ആരൊക്കെയാണെന്ന് ശ്രദ്ധിച്ചാല്‍ എളുപ്പമാകും. സ്ത്രീകളെ അവരുടെ ഏതു സുഹൃത്തിനോടൊപ്പം എന്തിനു എവിടെവച്ചാണ് കണ്ടത് എന്ന കാര്യം പുരുഷന്മാര്‍ എപ്പോഴും ശ്രദ്ധിക്കാറുണ്ട്.

6. ഗന്ധം: ഒരു സ്ത്രീയെ എവിടെ വച്ച് എങ്ങനെ ഏതു വേഷത്തില്‍ കണ്ടെന്നോ, അവള്‍ എന്തായിരുന്നു സംസാരിച്ചതെന്നോ, എങ്ങനെയാണ് ചിരിച്ചതെന്നോ ഒക്കെ ഓര്‍ക്കുന്നതുപോലെ തന്നെ അല്ലെങ്കില്‍ അതിനേക്കാള്‍ കൂടുതലായി അവളുടെ ഗന്ധം പുരുഷന്‍ ഓര്‍ത്തിരിക്കും. ആ കൂടിക്കാഴ്ചയെ ഓര്‍മ്മപെടുത്താന്‍ പലപ്പോഴും ആ ഗന്ധം കാരണമാകും.

7. ആത്മവിശ്വാസം: ഇങ്ങനെയെല്ലാമാണെങ്കിലും ഒരു പുരുഷന്‍ സ്ത്രീയില്‍ കാണുന്ന ഏറ്റവും ആകര്‍ഷകമായ കാര്യം അവളിലെ ആത്മവിശ്വാസം തന്നെയാണ്. ഒരു സ്ത്രീ പ്രകടിപ്പിക്കുന്ന ശുഭാപ്തി വിശ്വാസവും അത് അവള്‍ക്കു നല്‍കുന്ന പ്രസരിപ്പും ഏതൊരു പുരുഷനും ഇഷ്ടപ്പെടുന്ന ഒന്നാണ്.